XIX asyryň ahyrynda sport Angliýadan Ispaniýa gelip düşýär. 1897-nji ýylda Madridde ilkinji futbol topary döredilýär, ýöne tiz wagtdan ol dargaýar.
1902-nji ýylyň 6-njy martynda doganlar Padros bilen Hulian Palasios köne toparyň “harabalygyndan” Madrid futbol klubuny döredýärler.
1920-nji ýylyň 29-njy iýunynda Ispaniýanyň koroly Alfons XIII kluba “Patyşalyk” titulyny berýär, bu ispan dilinde “Real” sözi bilen aňladylýar. Şundan hem klubuň häzirki ady – “Real Madrid” gelip çykýar.
Häzirki günde “Real” dünýäniň iň meşhur futbol klublarynyň biri, Çempionlar ligasynda ýeňiş we gol sany boýunça rekordçy, şeýle-de 70-e golaý milli baýragyň eýesi. 2000-nji ýylda geçirilen ses berişligiň netijesi boýunça, ol FIFA tarapyndan XX asyryň iň gowy futbol kluby diýlip ykrar edildi.
