Çempionlar ligasynyň 1/8 final tapgyrynyň birinji duşuşygynda Dortmundyň «Borussiýasy» ispan «Sewilýasyndan» 3:2 hasabynda üstün çykdy.
«Sewilýadan» Suso 7-nji minutda hasaby açdy, emma «Borussiýa» 19-njy minutdan 43-nji minut aralygynda üç gol geçirmegi başardy. Ilki Mahmud Daud hasaby deňledi, soňra Erling Holand iki pökgini öz adyna ýazdyrdy. Ispan klubundan Lýuk de Ýong 84 minutda bir gol geçirmegi başardy.
Holand Çempionlar ligasynyň 13 duşuşygynda 18 gol geçirdi. Häzirki dowam edýän möwsümde norwegiýaly oýunçy «Borussiýanyň» düzüminde ähli ýaryşlarda 24 oýunda 25 gol geçirmegi başardy.
«Sewilýa» we «Borussiýa» mundan öň Ýewropa ligasynyň 2010/11 möwsüminde toparlaýyn tapgyrda duşuşypdy. Şonda «Sewilýa» myhmançylykda ýeňiş gazanyp, öz meýdançasynda deňme-deň oýnapdy.
Jogap duşuşygy 9-njy martda Dortmundda geçiriler.