Messi Günorta Amerika boýunça onýyllygyň iň gowy futbolçysy boldy

Messi Günorta Amerika boýunça onýyllygyň iň gowy futbolçysy boldy

“Barselonanyň” argentinaly hüjümçisi Lionel Messi Futbol taryhynyň we statistikasynyň halkara federasiýasy (IFFHS) tarapyndan Günorta Amerika Futbol Konfederasiýasyna (CONMEBOL) agza ýurtlaryň wekilleriniň arasynda onýyllygyň iň gowy oýunçysy diýlip ykrar edildi. Bu barada guramanyň web sahypasyna salgylanyp, sport.rambler.ru habar berdi.

Bu reýtingde ikinji orny Fransiýanyň “Pari Sen-Žermen” toparynda oýnaýan braziliýaly hüjümçi Neýmar eýeledi. Üçünji orunda häzirki wagtda "San-Pauloda" oýnaýan braziliýaly goragçy Dani Alwes ýerleşdi.
IFFHS-iň habaryna görä, Ýewropada onýyllygyň iň gowy futbolçysy Turiniň “Ýuwentus” toparynyň portugaliýaly hüjümçisi Kriştianu Ronaldu boldy. Ikinji orny Madridiň "Realynyň" ispan goragçysy Serhio Ramos, üçünji orny bolsa mýunhenli “Bawariýanyň” derwezebany Manuel Noýer eýeledi.