Çempionlar ligasynyň 16-njy tapgyrynyň "Leýpsig" bilen "Liwerpulyň" arasyndaky duşuşygy Germaniýadan başga ýerde geçirilip bilner. Bu barada matchtv.ru habar berýär.
Çeşmäniň habar bermegine görä, Germaniýada koronawirus çäklendirmeleri 17-nji fewrala çenli dowam edýär, şonuň üçin hem toparlaryň arasyndaky duşuşygyň başga bir ýerde geçirilmegi mümkin. Bu ýagdaýda çäklendirmeler diňe Angliýa girmäge degişli bolup durýar. Germaniýanyň Içeri işler ministrligi türgenleriň bu ýurda gelmek üçin ýörite rugsatlarynyň ýokdugyny aýtdy.
Şeýlelikde, Çempionlar ligasynyň 16-njy fewralda meýilleşdirilýän "Leýpsig" bilen "Liwerpulyň" arasyndaky ilkinji oýny Angliýada ýa-da Germaniýadan daşardaky bitarap meýdançada geçirilip bilner. Häzirki hereket edýän düzgünler bilen baglylykda, Germaniýanyň ýaşaýjylary ýeňilleşdirilen şertlerde ýurda dolanyp bilerler.
Germaniýada koronawirus çäklendirmeleri giňeldilen halatynda Çempionlar ligasynyň 24-nji fewralda geçiriljek Mönhengladbahyň "Borussiýasy" bilen "Mançester Sitiniň" arasyndaky 1/8 final oýny hem yza süýşürilip bilner.
Çempionlar ligasynyň 1/8 finalynyň ilkinji oýunlarynyň 16-njy fewralda geçiriljekdigini ýatladýarys.