Ýeňil agramda UFC-niň russiýaly çempiony Habib Nurmagomedow Konor Makgregor bilen Dastin Porýeniň arasyndaky jogap söweşi barada öz pikirini aýtdy. Bu barada rsport.ria.ru habar berýär.
UFC-niň resmi YouTube ýaýlymynda Habib Porýeniň ýeňiş gazanmak üçin birnäçe raund saklanmaly boljakdygyny belledi.
“Ilkibaşda Konor has işjeň hereket eder. Ýöne üçünji-dördünji raundda, meniň pikirimçe, Dastin bu ýigidi ýeňip biler” – diýip, Nurmagomedow öz pikiri bilen paýlaşdy.
Ýatlap geçsek, söweşijiler 2014-nji ýylyň sentýabr aýynda söweşdiler, şonda irlandiýaly söweşiji tehniki nokaut bilen ýeňiş gazandy. Konor Makgregor bilen Dastin Porýeniň arasyndaky rewanş söweşini “Ren TW” teleýaýlymy görkezer. Söweş 24-nji ýanwarda Aşgabat wagty bilen 08:40-da başlanar.