“General Motors” kompaniýasy elektrik ulaglaryny öndürmegi ileri tutmak üçin täze strategiýanyň bir bölegi hökmünde, özüniň logotipini täzeledi. Bu barada kommersant.ru habar berdi.
Kompaniýanyň öňki logotipi - gök fonda, aşaky çyzykly "GM" baş harplary kän bir üýtgedilmezden, 57 ýyl bäri - ýagny 1964-nji ýyldan bäri ulanylyp gelinýärdi.
"GM"-iň täze logotipindäki öňki baş harplar indi kiçi setir harplar bilen ýazylýar we tutuş logotip öňküsinden daşynyň aýlawy bilen has tapawutlanýar. "m" harpynyň aşagynda galan çyzyk Ultium batareýa tehnologiýasynyň wizual aňladylyşydyr, "m" bilen aşaky çyzygyň arasyndaky ak boşluk bolsa wilkanyň nyşanydyr diýip, kompaniýanyň metbugat beýanatynda aýdylýar.
Logotip täzelenmesi bilen bir hatarda, "GM" “Everybody In” mahabat kampaniýasyna başlady. Bu kampaniýa Ultium-yň utuşly taraplaryny görkezmegi we täze müşderileriň arasynda “elektrik ulaglarynyň ýaýramagyny çaltlaşdyrmagy” maksat edinýär.