"Barselonanyň" hüjümçisi we kapitany Lionel Messi özüni haýran galdyrýan türgenleriň atlaryny agzap geçdi. Bu barada championat.com habar berýär.
Sanawda görkezilen türgenleriň arasynda Turiniň “Ýuwentusynyň” ýyldyz hüjümçisi Kriştianu Ronaldu hem bar. “Soňky döwürde meni haýran galdyrýan türgenler barmy? Rafael Nadal, Rojer Federer, Lebron Jeýms ýaly, bitirýän işlerine hormat goýmaga mynasyp adamlar köp. Her sportda şeýle adam bar. Futbolda bu - Kriştianu Ronaldu, olar köplük"-diýip, "La Sexta" Messiniň sözlerini getirýär.
Öň Ronaldunyň ýaňy-ýakynda “Globe Soccer” neşiriniň saýlamagynda XXI asyryň iň gowy oýunçysy diýlip saýlanandygyny habar beripdik. Baýragyň web sahypasyndaky ses berlişikde portugaliýaly hüjümçi 38% ses aldy. Ikinji orunda 24% ses toplamagy başaran Messi bar. Şeýle-de, ilkinji üçlüge "Liwerpulyň" hüjümçisi Mohamed Salah (23%) hem girýär. "Barselonanyň" öňki hüjümçisi Ronaldinýo 14% ses bilen dördünji orny eýeledi.