"Pari Sen-Žermeniň" hüjümçisi Neýmaryň Türkiýäniň "Stambul Başakşehiriniň" derwezesine geçiren goly UEFA-nyň Çempionlar ligasynyň toparçalaýyn tapgyryndaky oýunlarda iň owadan gol diýlip ykrar edildi. Bu barada UEFA-nyň metbugat gullugyna salgylanyp, championat.com habar berdi.
Braziliýaly hüjümçi soňky altynjy tapgyr oýnunda türk toparyna garşy üç gol geçirip, het-trik etdi we duşuşygyň 21-nji minudynda geçirilen ilkinji pökgi olaryň iň gowusy diýlip ykrar edildi.
Ses berişlikde ikinji orny Madridiň "Realynyň" ýarymgoragçysy Luka Modriçiň Doneskiň "Şahtýoryna", üçünji orny "Barselonanyň" hüjümçisi Antuan Grizmannyň "Ferenswaroşa", dördünjini bolsa "Mançester Ýunaýtediň" ýarymgoragçysy Bruno Fernandeşiň "Stambula" garşy, bäşinjini - “Bawariýanyň” goragçysy Ýoşua Kimmihiň Moskwanyň “Lokomotiwine”, altynjyny - “Krasnodaryň” ýarymgoragçysy Magomed-Şapi Süleýmanowyň “Sewilýa” garşy geçiren gollary eýeledi.
