"Mersedes" toparynyň agzasy Lýuis Hemilton çempionata gatnaşýan toparlaryň ýolbaşçylary tarapyndan 2020-nji ýylyň iň gowy sürüjisi diýlip saýlandy. Bu barada rsport.ria.ru habar berýär.
Ses berişligiň netijelerine görä, 35 ýaşly britan türgeni 171 bal gazandy. “Red Bull”-yň gollandiýaly piloty Maks Werstappen (156) ikinji boldy, Monakodan Çarlz Lekleýr (“Ferrari”, 132) üçünjiligi eýeledi.
Geçen möwsümde Hemilton ýedinji gezek "Formula-1"-iň çempiony boldy we Maýkl Şumaheriň rekordyny gaýtalady. Şeýle hem, Hemilton Şumaheriň köp ýyllap saklan Gran-Pridäki ýeňişleriň sany boýunça rekordyny gaýtalamagy başardy. Ol oktýabr aýynyň ahyrynda Portugaliýada geçen "F-1"-de 92-nji ýaryşynda ýeňiji boldy. Häzir Hemiltonyň hasabynda 95 ýeňiş bar.
