Ispaniýanyň çempionatynda 19-njy tapgyryň oýnunda "Barselona" "Real Sosýedady" kabul etdi. Duşuşyk "Barselonadaky" “Kamp Nou” stadionynda geçirildi we 2:1 hasabynda ýer eýeleriniň ýeňşi bilen tamamlandy.
Bu oýunda "Barselonanyň" hüjümçisi Lionel Messi “Kamp Nou-daky" 300-nji ýeňşi bilen taryhy üstünlik gazandy. Ol Ispaniýanyň çempionatynda 211, Çempionlar ligasynda 53, Ispaniýanyň kubogynda 30 we ýurduň Super kubogynda 6 ýeňiş gazandy. Şeýle hem “Kamp Nou-da" 380 pökgi geçirmegi başardy.
Messi Ispaniýanyň çempionatynyň häzirki möwsüminde 12 oýun oýnap, 5 pökgi geçirdi.
"Barselona" 20 utuk toplap, Ispaniýanyň çempionatynyň sanawynda 5-nji ýeri eýeledi. “Real Sosýedad” (26) - 2-nji ýerde. Ýaryşyň öňüni häzirki wagtda 11 oýunda 26 utuk toplan Madridiň "Atletikosy" çekýär.
