«Zenit» ýewrokubok kampaniýasyny ýeke ýeňişsiz tamamlady

«Zenit» ýewrokubok kampaniýasyny ýeke ýeňişsiz tamamlady

Çempionlar ligasynyň F toparynda Sankt-Peterburgyň “Zenit” futbol kluby Dortmundyň “Borussiýasyndan” 1-2 hasabynda ýeňildi. Rus toparynyň düzüminden Sebastýan Driussi (16) gol girizdi. Myhmanlardan Lukaş Pişek (68) we Aksel Witsel (79) tapawutlandy.

Beýleki bir oýunda Italiýanyň “Lasio” futbol kluby öýünde Belgiýanyň “Brýugge” topary bilen deňme-deň oýnady. Oýun 2-2 hasabynda tamamlandy. Ýer eýeleriniň düzüminden Hoakin Korrea (12) we Çiro Immobile (27, jer.ur), myhmanlardan Rud Wormer (15) we Hans Wanaken (76) gol girizdi.
“Borussiýa” 13 utuk bilen toparda birinji orny eýeledi. Ikinji orunda “Lasio” ýerleşdi, onuň hasabynda 10 utuk bar. Üçünji orny 8 utuk bilen çykyşyny Ýewropa ligasynda dowam etdirjek Belgiýanyň “Brýugge” topary eýeledi. “Zenit” bir utuk gazanyp, iň soňky boldy.
Çempionlar ligasynyň 1/8 finalynyň hem-de Ýewropa ligasynyň 1/16 finalynyň bije atyşlygy 14-nji dekabrda Şweýsariýanyň Nýon şäherinde geçiriler.