Ýylyň Global Teacher Prize baýragy hindistanly mugallyma gowşuryldy

  • 08.12.2020 13:25
  • 7.6k+

Ýylyň Global Teacher Prize baýragyna bu ýyl hindi mugallymy Ranjitsinh Diseýl mynasyp boldy we ol 1 million dollarlyk pul baýragyň ýarysyny baýragyň 9 finalçysyna berjekdigini aýtdy. Bu barada CNN-e salgylanyp, Sputnik gullugy habar berýär.

Ranjitsinh Diseýl Hindistanyň günbataryndaky bir obada sapak berýär. Onuň gyzlaryň biliminiň ösmegine goşan goşandy bir million dollar diýlip bahalandyryldy. Diseýl okuw kitaplaryny okuwçylarynyň şiwesine terjime etmek üçin ýerli obanyň dilini öwrendi. Şeýle hem, ol okuwçylarynyň ses materiallaryna, wideo leksiýalaryna girmäge mümkinçiligi bolar ýaly okuw kitaplary üçin özboluşly QR kodlaryny döretdi. Bu bolsa okuwçylaryň mekdebe gatnawynyň derejesini ep-esli ýokarlandyrdy. Onuň QR tehnologiýasy indi Hindistanda barha giňden ýaýraýar.
Diseýliň bu ýeňşi iňlis aktýory we tele alyp baryjysy Stiwen Fraý tarapyndan ýörite wirtual dabarada yglan edildi. Mugallym million dollary özüne almagyň ýerine baýragyň ýarysyny beýleki dokuz finalçy bilen paýlaşjakdygyny mälim etdi. Netijede, finalçylaryň her birine 55,000 dollardan ýeter. Baýragyň alty ýyllyk taryhynda beýle waka ilkinji gezek bolup geçdi.
Baýragyň beýleki dokuz finalçylary ABŞ-dan, Angliýadan, Wýetnamdan, Nigeriýadan, Günorta Afrikadan, Italiýadan, Günorta Koreýadan, Malaýziýadan we Braziliýadadan bolan mugallymlardyr.
Diseýl baýragy paýlaşmak bilen, beýleki mugallymlara hem möhüm işlerini dowam etdirmäge kömek etjekdigini düşündirdi.

"Biz hem ýardam goluny uzadyp, mümkin boldugyça köp okuwçynyň durmuşyny ýeňilleşdirip bileris" -diýip, mugallym belleýär.

Mugallymlar baýragy Varkey gaznasy tarapyndan UNESKO bilen bilelikde döredildi.  Bu ýyl baýragy almak üçin dünýäniň 140-dan gowrak ýurdundan 12 müňden gowrak mugallym ýüz tutdy.

düýn 13:49
4.3k+

Türkmen talyplary Rumyniýada Kluj-Napoka Tehniki uniwersitetinde tejribelik geçýärler

1-nji iýulyndan 21-nji iýuly aralygynda Türkmenistanyň Telekommunikasiýalar we informatika institutynyň 14 talyby we 2 mugallymy Rumyniýada Kluj-Napoka Tehniki uniwersitetinde tomusky tejribelik maksatnamasyna gatnaşýarlar...

15.07.2025 20:03
12k+

Türkmenistanda ýokary we orta hünär okuw mekdeplerine resminamalaryň kabul ediljek ýerleri we wagty

Türkmenistanyň orta hünär okuw mekdeplerine dalaşgär ýaşlaryň resmi iş kagyzlary her orta hünär okuw mekdebiniň ýerleşýän ýerinde (öz binalarynda) kabul edilýär. Resminamalary kabul edýän ýerleriň iş wagty: 14...

15.07.2025 11:42
6.9k+

Türkmenistanda ýokary we orta hünär okuw mekdeplerine dalaşgärlerden resminamalar kabul edilip başlandy

14-nji iýulda Aşgabatda, Arkadag şäherinde hem-de ýurdumyzyň welaýat merkezlerinde ýokary we orta hünär okuw mekdeplerine dalaşgärlerden resminamalar kabul edilip başlandy. Ýokary we orta hünär okuw mekdeplerine giriş synaglary 30-njy iýul — 25-nji awgust aralygynda geçiriler...

14.07.2025 19:22
9.3k+

Türkmen oba hojalyk uniwersitetinň talyplary Özbegistanda tejribelik geçýärler

6 — 17-nji iýul aralygynda S.A.Nyýazow adyndaky Türkmen oba hojalyk uniwersitetinden 2 mugallym hem-de 20 talyp Özbegistanyň Daşkent irrigasiýa we oba hojalygynyň mehanizasiýasynyň inženerleri institutynda tejribelik geçýärler...