Porsche Taycan Ginnesiň rekordlar kitabyna girdi

  • 26.11.2020 20:07
  • 25k+

Porsche Taycan 42,171 kilometr üznüksiz driftde saklanmagy başaran dünýäde ilkinji elektromobil boldy, bu rekord Ginnes kitabynyň wekilleri tarapyndan bellige alyndy. Ýöne şeýle Taycan Hytaýdan başga ýerde heniz satylmaýar diýip, mag.auto.ru belläp geçýär.

Rekord Porsche inžiniring merkezinde Hokkenhaýmring ýolunda goýuldy. Elektromobil kompaniýanyň instruktory Dennis Retera tarapyndan dolandyryldy, sürüş üçin esas bolup 200 metrlik aýlaw ýoly hyzmat etdi. Retera ony 210 gezek geçdi, şol bir wagtyň özünde Taycan-yň öňki tekerleri hemişe öwrümiň tersine seredýärdi – muňa synçylar tarapyndan wizual hem-de awtomobiliň dik okuna aýlanyş burçuna baha berýän datçikleriň kömegi bilen berk gözegçilik edildi.
Sürüşiň ortaça tizligi sagatda 46 kilometr bolup, rekord goýmak üçin jemi 55 minut gerek boldy. Elektromobiliň hereketini aňsatlaşdyrmak we tekerleriň wagtyndan öň könelmegine ýol bermezlik üçin ýoluň asfalty suw bilen yzygiderli ýuwuldy.
Rekord goýmaga gatnaşan Porsche Taycan-da diňe bir elektrik hereketlendirijisi bar. Şeýle model üçin elýeterli iň ýokary güýç 476 at güýjüne barabar, mono-hereketlendirijili Taycan-yň bir gezek zarýadlanmada ätiýaçlyk ýoly 489 kilometre deňdir. Bir hereketlendirijili elektrokar sagatda 100 kilometr tizlige 5,4 sekunt sarp edýär.
Ýatlap geçsek, Taycan elektromobiliniň bir motory bolan esasy görnüşiniň premýerasy 2020-nji ýylyň tomsunda geçirildi.

düýn 13:48
2.5k+

Range Rover ilkinji gezek logotip edindi

Range Rover 1970-nji ýyllarda döredilenden bäri ilkinji gezek öz logotipi bilen tanyşdyrdy. Dikligine deňleşdirilen altynsow reňkli R harpy görnüşindäki täze nyşan awtoulaglardaky däp bolan nyşanyň ornuny tutmasa-da, brendiň wizual stiliniň elementine öwrüler...

düýn 13:43
1.8k+

Lanzante McLareniň Le-Mandaky ýeňşiniň hormatyna üç orunlyk 95-59 superkaryny çykardy

Lanzante kompaniýasy 1995-nji ýyldaky “Le-Manyň 24 sagady” ýaryşynda McLaren-iň ýeňşiniň 30 ýyllygynyň hormatyna döredilen üç orunlyk 95-59 superkaryny görkezdi. Bu model hersiniň bahasy 1 million funt sterling bolan (1,355 million dollar töweregi) 59 sany çäkli nusgada öndüriler...

düýn 13:21
3.3k+

Tesla Seminiň netijeliligi hakyky synaglarda barlanyp görüldi

ArcBest logistika kompaniýasy tarapyndan geçirilen üç hepdelik synagda Tesla Semi elektrik ýük ulagy bir mile (1,6 km) 1,55 kilowat sagat energiýa sarp edýändigini görkezdi. Bu ulag 7230 kilometrden gowrak ýoly geçip, hakyky ýük daşamakda yzygiderli ulanylýardy...

düýn 13:03
2.3k+

Lamborghini meýilnamalaryny üýtgedip, Urus-y elektrikleşdirilmegini yza süýşürdi

Lamborghini Urus krossoweriniň elektrik çekişine geçmegi azyndan 2035-nji ýyla çenli yza süýşürilýär. Bu barada kompaniýanyň başlygy Stefan Winkelmann Autoсar-a beren interwýusynda habar berdi. Meýilnamalaryň täzeden gözden geçirilmeginiň awtoulag bazaryndaky näbellilik sebäpli ýüze çykandygyny mälim etdi...