Garyşyk söweş sungatynyň ussat türkmen söweşijisi Döwletjan Ýagşymyradow hiç haçan, hatda iň uly MMA promouşenleri bolan Ultimate Fighting Championship ýa-da Bellator MMA-iň ikisinden biri bilen şertnama baglaşan ýagdaýynda-da, halkara ýaryşlarda çykyş etjek baýdagyny üýtgetmejekdigini aýtdy.
“Ýok, men çykyş etjek döwlet baýdagymy hiç haçan üýtgetmerin. Maňa kim näme teklip etse-de. Biziň baýdagymyz bir, biz - türkmenler! Hiç kim üçin, haýran galdyryjy bir zat teklip edäýende-de, bütin dünýäni hödürleselerem - baýdagy üýtgetmerin. Ebedilik! Baýdak ýeke-täkdir! Men türkmendigime buýsanýaryn!"- diýip, Döwletjan Ýagşymyradow onlaýn-ýaýlymlaryň birine beren interwýusynda aýtdy.
Döwletjan Ýagşymyradow 1989-njy ýylda Lebap welaýatynyň Türkmenabat şäherinde dünýä indi. Ol garyşyk söweş sungatynda Absolute Championship Berkut we Absolute Championship Ahmat ýaryşlarynda çempion bolan ilkinji türkmenistanly wekil. 2018-nji ýylda ol russiýaly Batraz Agnaýewi ýeňip, ACB-niň çempionlyk guşagyny gazandy. Ýagşymyradow 2019-njy ýylda eýýäm ACA-nyň çempiony derejesinde guşagyny iki gezek gorady. Fewral aýynda ol Polşada geçirilen ýaryşda Karol Selinskiden üstün çykdy we dekabr aýynda russiýaly Alekseý Butorini ýeňip, ACA-nyň çempiony diýen ady gorady.
Türkmen söweşijisinde 18 ýeňiş, bäş ýeňliş we bir deňlik bar.
Şeýle hem okap bilersiňiz:
Döwletjan Ýagşymyradow UFC bilen Bellator-yň birini saýlamakçy
