Ýaponiýa kosmosy zibillerden "arassalar"

  • 20.11.2020 11:18
  • 8.5k+
Ýaponiýa kosmosy zibillerden "arassalar"

Ýaponiýa kosmos zibillerini arassalamak üçin 2021-nji ýylyň mart aýynda ýörite hemrany orbita iberer. Hemrany ruslaryň "Soýuz" raketa göterijisi arkaly älem giňişligine çykarmak meýilleşdirilýär diýip, Sputnik agentligi habar berýär.

Uçuş Baýkonur kosmodromyndan amala aşyrylar. Hemranyň uzynlygy we beýikligi 6 metr, ini 11 metr, agramy 175 kilograma barabar bolar.

Arassalaýjy-hemra ilkinji synag döwründe ýörite magnit panellerini ulanmak arkaly kosmos zyňyndylaryny özüne çeker. Soňra ol atmosfera girer we ýygnan zatlary bilen birlikde ýanar.

Ýaponiýa  kosmosy zyňyndylardan "arassalamak" niýetini ozal hem mälim edipdi. Şeýlelikde, Ýaponiýanyň Aerokosmiki gözleg gullugy zyňyndylary lazeriň kömegi bilen ýok edip biljek hemrany döretmegi meýilleşdirdi. Bu hemrany orbita üç ýyldan bärde uçuryp bolmajakdygy aýdylýar.

Liftde näme üçin dymylýar: alymlar ýapyk ýerde oňaýsyzlygyň sebäbini öwrendiler
düýn 20:28
6.2k+

Liftde näme üçin dymylýar: alymlar ýapyk ýerde oňaýsyzlygyň sebäbini öwrendiler

Liftde nätanyş adamlaryň arasyndaky dymyşlyk şäher gurşawynda mejbury ýakynlyk şertlerine uýgunlaşdyrylan sosial gatnaşyklaryň aýratyn görnüşidir. Perm milli gözleg politehniki uniwersitetinden (RF) alym W.A. Botalow sosiologiýanyň we psihologiýanyň klassyk nazaryýetlerine esaslanyp, bu hadysanyň sebäplerini öwrendi...

NASA Crew-11 ekipažyny 15-nji ýanwarda Ýere gaýtaryp getirer
düýn 18:13
1.5k+

NASA Crew-11 ekipažyny 15-nji ýanwarda Ýere gaýtaryp getirer

NASA Crew-11 kosmos gämisiniň ekipažyny 15-nji ýanwarda Ýere gaýtaryp getirmegi meýilleşdirýär. Bu barada agentligiň metbugat gullugy X sosial media platformasynda habar berdi. Crew-11 missiýasy Halkara kosmos stansiýasynda 2-nji awgustdan bäri işleýär...

«Habbl» teleskopy kosmosda täze görnüşli obýekti tapdy: Ýyldyzsyz «Bulut 9»
düýn 13:24
1.6k+

«Habbl» teleskopy kosmosda täze görnüşli obýekti tapdy: Ýyldyzsyz «Bulut 9»

«Habbl» (Hubble) kosmos teleskopy örän geň galdyryjy astronomik obýekti — içinde ýekeje ýyldyz hem bolmadyk, diňe gazdan we garaňky maddadan ybarat bolan ägirt uly buludy ýüze çykardy. Phys.org neşiriniň habar bermegine görä, bu açyş galaktikalaryň nähili emele gelýändigi baradaky ylmy garaýyşlary üýtgedip biler...

Alymlar pagtadan we yzgardan elektrik energiýasyny öndürmegiň usulyny tapdylar
düýn 13:15
1.9k+

Alymlar pagtadan we yzgardan elektrik energiýasyny öndürmegiň usulyny tapdylar

Alymlar adaty pagta matasyny howadaky çyglylygy sorup alýan we ony elektrik energiýasyna öwürýän täze tehnologiýany işläp düzdüler. Interesting Engineering neşiriniň habar bermegine görä, bu üýtgedilen material batareýa talap etmezden, LED çyralaryny we pes kuwwatly elektron enjamlary 24/7 düzgüninde işledip bilýär...