Müsürde El Guna halkara film festiwaly tamamlandy

  • 02.11.2020 19:48
  • 2.9k+

Müsürde dördünji El Guna halkara film festiwaly tamamlandy. Dokuz gün dowam eden festiwalda dünýäniň dürli künjeklerinde düşürilen altmyşdan gowrak çeper film, 18 gysga metražly film we 10 dokumental film görkezildi diýip, Euronews habar berýär.

Gyzyl deňziniň kenaryndaky iň möhüm medeni wakalaryň biri bolan bu halkara film festiwaly koronawirus çäklendirmeleri sebäpli berk karantin çäreleriniň şertlerinde geçirildi. Pandemiýanyň ýaýramagy sebäpli köp sanly möhüm wakalar ýatyrylansoň, El Guna forumy şu ýyl Ýakyn Gündogarda geçirilen ilkinji halkara film festiwaly boldy.

"Festiwaly, esasan-da, durmuşyň dowam etmegini isleýändigimiz üçin geçirmeli diýen karara geldik. Bu umytdan nyşan, bagtdan nyşan, boýun synmaýandygymyzyň subutnamasy - kino şularyň hemmesini özünde jemleýär" - diýip, Euronews El Guna halkara film festiwalynyň esaslandyryjysy Nagib Sawirisiň sözlerini getirýär.

El Guna film festiwalynyň esasy baýragy bosniýaly režissýor Jasmila Žbaniçiň öz maşgalasyny Srebrenisadaky genosidden halas etmäge synanyşýan BMG-niň terjimeçisi hakdaky "Quo vadis, Aida?" filmine gowşuryldy. Ikinji uly baýraga bolsa "Öz derisini satan adam" filmi üçin tunisli režissýor Kauter Ben Haniýa mynasyp boldy.
El Guna halkara film festiwaly ýaş kinorežissýorlar üçin iň möhüm wakalardan biri hasaplanýar. Forumyň çäklerinde olaryň işine goldaw bermek üçin serişde ýygnaldy. Guramaçylar munuň täze ýüzleri açmaga we geljegiň kinosyny döretmäge kömek etjekdigine umyt bildirýärler.

düýn 22:31
552

GQ Japan neşiri Hideo Kodzimany ýylyň «Iň gowy döredijisi» diýip yglan etdi

GQ Japan žurnaly Hideo Kodzimany «Ýylyň adamy» (Man of the Year) nominasiýasynda 2025-nji ýylyň «Iň gowy döredijisi» diýip yglan etdi. Neşiriň redaksiýasynyň pikirine görä, bu dörediji diňe bir oýun döretmek bilen çäklenmän, eýsem, kino we interaktiw mediýanyň arasyndaky serhetleri ýok edip, düýbünden täze görnüşli güýmenjeleri oýlap tapýar...

düýn 21:19
3.3k+

ABŞ-da 74 ýaşly adam ogullyga alyndy we Ginnesiň rekordlar kitabyna girdi

Ginnesiň rekordlar kitaby ABŞ-nyň Pensilwaniýa ştatyndan bolan Bill Steýns baradaky täsin wakany gürrüň berýär. Birnäçe ýyl mundan ozal ol dünýäde ogullyga alnan iň garry adam boldy — ogullyga alnan wagtynda ol 74 ýaş we 303 günlükdi...

düýn 21:08
1.2k+

Kwentin Tarantino "Açlyk oýunlarynyň" döredijilerini plagiatda aýyplady

Režissýor Kwentin Tarantino "Açlyk oýunlary" (The Hunger Games) franşizasynyň 1999-njy ýylda çykan "Şa söweşi" (Battle Royale) atly ýapon romanyndan we onuň film adaptasiýasyndan göçürilip alnandygyny (plagiatdygyny) öňe sürdi diýip, "The Hollywood Reporter" neşiri habar berýär...

düýn 19:41
4.5k+

Dünýäde iň kiçi aty Ginnesiň rekordlar kitabyna girizildi

Pumukel atly at dünýäniň iň kiçi aty hökmünde Ginnesiň rekordlar kitabyna girdi. Onuň geriş beýikligi bary-ýogy 52,6 santimetr. Pumukel Germaniýadaky bir fermada ýaşaýar. Onuň eýesi Karol Waýdmann atyny bäş ýyl mundan ozal, ol entek kiçijik taýçanakka özüne aldy...