Türkmenistan awgust aýynda üpjünçiligiň birneme azalandygyna garamazdan, HHR-e turbageçiriji gazynyň eksporty meselesinde öňdebaryjylygyny saklady. Finmarket habar gullugynyň ýazmagyna görä, muny Hytaý gümrükhanasynyň maglumatlary subut edýär diýip, ORIENT habar berýär.
Hytaý gümrükhanasynyň maglumatlaryna görä, türkmen gazynyň üpjünçiligi 3,4% azaldy we 2,276 milliard kub metre ýetdi. 2020-nji ýylyň awgust aýynda Hytaýyň umumy turbageçiriji gaz importy 3,853 milliard kub metre barabar boldy.
Awgust aýynda “Gazpromdan" başga üpjün edijiler hem Hytaýa turbageçiriji gazynyň üpjünçiligini azaltdylar. Ýagny bu babatda Özbegistan - 0,7%, Gazagystan - 1,4%, Mýanma bolsa 0,2% aşaklady.
“Gazpromyň” Hytaýa awgust aýynda iberen gazynyň möçberi 381 million kub metre ýetdi, ýagny bu iýul aýy bilen deňeşdirilende, 0,75% köp (379 million kub metr). Bu «Sibiriň güýji» («Сила Сибири») magistralynyň nobatdaky ýokary görkezijisi hasaplanylýar. Sentýabr aýynda akymyň azaljakdygy çak edilipdi, sebäbi turbageçiriji öňüni alyş işleri üçin bir hepdeläp saklanypdy.
Ýylyň başyndan bäri, umuman alanyňda, Hytaýa turbageçiriji gazynyň importy 9%, ýagny 29.530 milliard kub metre çenli azaldy.