Kriştianu Ronaldu koronawirus bilen keselledi

  • 14.10.2020 10:38
  • 20k+

Portugaliýanyň milli ýygyndysynyň we "Ýuwentusyň" hüjümçisi Kriştianu Ronaldunyň koronawirus üçin barlagy položitel çykdy diýip, Portugaliýanyň Futbol Federasiýasy habar berdi. 35 ýaşly oýunçynyň "özüni duýşy gowy, simptomlar ýok we karantina alyndy" - diýlip, PFF-iň beýanynda aýdylýar.

Çarşenbe güni Milletler ligasynyň toparçasynda Portugaliýa Şwesiýa bilen duşuşar. Fernandu Santuşyň ýolbaşçylygyndaky portugal toparynyň galan oýunçylary COVID-19 üçin tabşyran barlaglarynyň netijesi negatiw çykansoň, olar oýna gatnaşmaga hukuk gazandylar.
Portugaliýa ýekşenbe güni Parižde Fransiýa bilen golsuz deňme-deň oýnady we häzir utuklary boýunça dünýä çempionlary bilen deňleşip, toparçada birinji orunda ýerleşýär.
Portugaliýanyň kapitany Ronaldu sentýabr aýynda Milletler ligasyndaky oýunlaryň çäginde, Şwesiýanyň derwezesinden geçiren gollary netijesinde halkara oýunlarda 100 pökgi geçiren ilkinji ýewropaly boldy.
Karantin sebäpli Ronaldu 17-nji oktýabrda Seriýa A-daky "Ýuwentus"-"Kroton" oýnuny we 20-nji oktýabrda Çempionlar ligasynyň toparçasyndaky ilkinji oýny sypdyrar.
Duşenbe güni Ronaldu Portugaliýanyň milli ýygyndysy bilen düşen selfisini "Meýdançada-da, onuň daşynda-da bilelikde!" ýazgysy bilen sosial ulgamda paýlaşdy.

düýn 19:46
3k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
7k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:57
4.5k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

28.11.2025 23:17
4.8k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...