UFC-iň başlygy Dana Uaýt hepdäniň ahyrynda Abu-Dabide geçen UFC 253-däki ajaýyp çykyşlary bilen ýatda galan orta we ýarym agyr agramly çempionlaryň geljegi barada gürrüň berdi, diýip fighttime.ru habar berýär.
Guramanyň ýolbaşçysynyň sözlerine görä, Israel Adesanýanyň indiki garşydaşy Robert Uittaker bilen söweşde ýeňiş gazanan halatynda, Jared Kannonýe bolar.
“Eger-de Kannonýe ýeňiş gazansa, tituly almaga mümkinçilik alar. Israelde şuny gowy görýän: ol kim özüni ýeňip bilerin öýdýän bolsa, şoň bilen söweşmäge hemişe taýyn. Tüýs çakmakdaş ýaly ýigit" diýip, "MMAFighting" web-saýty Uaýtyň sözlerini getirýär.
Dominik Reýesi ýeňip, UFC-niň ýarym agyr agram derejesinde boş duran tituly çempionlyk guşagyny aIan Blahowiç barada aýdylanda bolsa, Tiago Santos bilen Glower Teýşeýronyň arasyndaky dalaşgärlik tutluşygynyň ýeňijisi oňa garşydaş bolar. Jon Jonsyň ýarym agyr diwizionyna gaýdyp gelmegi bu meýilnamany üýtgedip biler.
“Bu ýigitler titulyň indiki dalaşgärini kesgitlärler. Ýöne, elbetde, bu söweşi Jon Jons islese, biz ony bu pursatdan mahrum edip bilmeris" diýip, Uaýt aýdýar.
