Luis Suarez karýerasyny "Atletikoda" dowam etdirer

  • 25.09.2020 13:32
  • 7.5k+
Luis Suarez karýerasyny "Atletikoda" dowam etdirer

"Barselonanyň" urugwaýly hüjümçisi Luis Suarez öz karýerasyny Madridiň "Atletikosynda" dowam etdirer. Bu barada katalon klubynyň metbugat gullugyna salgylanyp, INTERFAX habar berýär.

“Atletikonyň" "Barselona" klubyna goşmaça 6 million ýewro tölejekdigi bellenilýär.

"Barselona" Luis Suareze wepalylygy we yhlasy üçin minnetdarlygyny bildirýär hem-de oňa geljekde üstünlik arzuw edýär" diýlip, "Barselonanyň" metbugat gullugynyň berýän habarynda aýdylýar.

Suarez "Barselonanyň" düzümine 2014-nji ýylyň tomsunda "Liwerpuldan" geçipdi. Ol ispan klubunda 13 gezek çempion boldy: dört gezek Ispaniýanyň çempionatynda we Ispaniýanyň kubogynda, Ispaniýanyň Super kubogynda iki gezek, Çempionlar ligasynda, Klublar dünýä çempionatynda we UEFA Super kubogynda bir gezek ýeňiji boldy.
Ol 283 oýunda 198 pökgi geçirip, "Barselonanyň" taryhynda iň köp pökgi geçiren oýunçylaryň sanawynda üçünji orunda durýar. Ol 2014/15 möwsümiň Ispaniýa çempionatynda 40 pökgi geçirdi (möwsümiň ähli ýaryşlarynda 59) we Ýewropa milli çempionatlarynda iň köp pökgi geçirmek bilen, “Altyn aýakgabyň” eýesi boldy.

N'Golo Kanteniň «Fenerbahçä» transferi resminama alşylanda ýalňyşlyk sebäpli ýatyryldy
düýn 19:59
2.6k+

N'Golo Kanteniň «Fenerbahçä» transferi resminama alşylanda ýalňyşlyk sebäpli ýatyryldy

Ýarym goragçy N'Golo Kanteniň ​«Al-Ittihad» saud klubundan Türkiýäniň «Fenerbahçe» toparyna amala aşyrylmaly  transferi tehniki näsazlyk sebäpli ýatyryldy. Stambul klubunyň metbugat gullugynyň habar bermegine görä, transferiň bökdenmegi taraplaryň arasynda resminama çalşygy mahalynda ýüze çykdy...

Aşgabatda ýetginjekleriň arasynda küşt boýunça Türkmenistanyň çempionlary kesgitlenildi
düýn 14:08
945

Aşgabatda ýetginjekleriň arasynda küşt boýunça Türkmenistanyň çempionlary kesgitlenildi

Aşgabatda çagalaryň we ýetginjekleriň arasynda küşt boýunça Türkmenistanyň birinjiliginiň nusgawy tapgyry tamamlandy. 25-nji ýanwar we 1-nji fewral aralygynda paýtagtymyzyň ýöriteleşdirilen küşt-şaşka mekdebinde geçirilen ýaryşlara ýurduň ähli künjeginden 8 ýaşdan 18 ýaş aralygyndaky 487 türgen gatnaşdy...

30 sekunt üçin 10 mln dollar: «Superboulyň» reklama bahalary rekord goýýar
düýn 12:27
4.2k+

30 sekunt üçin 10 mln dollar: «Superboulyň» reklama bahalary rekord goýýar

2026-njy ýylyň «Superbouly» (Super Bowl) hatda oýun başlamazdan ozal täze rekordlary goýup başlady. 9-njy fewrala geçilýän gije geçiriljek amerikan futbolynyň final duşuşygy dünýäniň iň gymmat efir wagty statusyny ýene bir gezek tassyklady...

Lukman «Atletiko» Madridiň düzüminde oýna çykar, «Liwerpul» 72 mln ýewro goragçy aldy
düýn 10:14
3.1k+

Lukman «Atletiko» Madridiň düzüminde oýna çykar, «Liwerpul» 72 mln ýewro goragçy aldy

Angliýanyň «Liwerpul» futbol kluby Fransiýanyň «Renn» toparynyň 20 ýaşly goragçysy Žeremi Žakeni transfer edendigini resmi taýdan yglan etdi. Ýaş goragçy iňlis klubuna şu ýylyň tomsunda goşular. Insaýder Fabrisio Romanonyň berýän maglumatyna görä, fransuz goragçysy mersisaýdlylara 60 million ýewro düşdi...