Şu gün - 15-nji sentýabrda bütindünýä pandemiýasy sebäpli Malaýziýada galan türkmenistanlylar üçin ýörite uçuş guralar. Bu barada Malaýziýanyň ýurdumyzdaky ilçihanasyna salgylanyp, ArzuwNEWS habar berýär.
Malaýziýa howa ýollarynyň ýörite uçary ilki Kuala-Lumpuryň KLIA howa menzilinden Doha (Katar) barar, soňra bolsa 16-njy sentýabrda Dohadan Türkmenabat we Türkmenbaşy howa menzillerine uçar.
Malaýziýanyň ilçihanasy Türkmenistana dolanmak isleýän ildeşlerimiziň 15-nji sentýabrda KLIA howa menziliniň üstaşyr zolagyna gelmelidigini we resminamalaryň ýany bilen hökümet tarapyndan tassyklanan nusgada COVID-19 ýokanjynyň ýokdugyny tassyklaýan şahadatnamanyň bolmalydygyny habar berdi.