«Mançester Sitiniň» ýarym goragçysy Riýad Marez we goragçysy Emerik Lýaport koronawirus boýunça položitel test tabşyrdylar. Bu barada iňlis futbol klubynyň metbugat gullugyna salgylanyp, Interfaks agentligi habar berýär.
Bellenilişi ýaly, futbolçylaryň ikisi hem karantin astyna alyndy. Kesel alamatsyz ýagdaýda geçýär. Angliýanyň premýer-ligasynyň täze möwsümi 12-nji sentýabrda başlaýar. Şonda «Siti» öz meýdançasynda «Aston Willany» kabul eder.
Möwsümden öňki türgenleşikleriň aglaba bölegini toparyň baş tälimçisi Pep Gwardiola hem karantinde geçirer. Barselonadan Beýik Britaniýa dolanyp gelenden soň, ol iki hepdelik mejbury karantin geçmeli.
