«Forbes» neşiriniň maglumatlary boýunça irlandiýaly göreşiji Konor Makgregor 2020-nji ýylyň iň baý meşhur adamlarynyň ýüzlügine girdi. Bu barada neşiriň saýtyna salgylanmak bilen RIA Nowosti habar berýär.
Türgen 53-nji orunda ýerleşdi, onuň girdejisi 48 million dollara barabar boldy, şonuň 30 million dollaryny ol Donald Serronä garşy göreşi üçin gazandy. Göreş 2020-nji ýylyň ýanwarynda geçirildi we ol Makgregoryň tehniki nokaut arkaly ýeňmegi bilen tamamlandy.
Şeýle-de onuň gazanjynyň ep-esli bölegini Reebok bilen hemaýatkärlik şertnamasy düzýär, ýagny bu şertnama boýunça Konor her ýylda 5 million dollar gazanýar. Mundan başga-da, Makgregora 2018-nji ýylda önümçilige girizen irland wiskisiniň hususy brendi hem girdeji getirýär.
Makgregoryň hasabynda 22 ýeňiş bilen 4 ýeňliş bar, ol ýarym ýeňil we ýeňil diwizionlarda UFC-niň çempiony boldy.
