Ispaniýa barýan syýahatçylaryň sany 75% pese gaçdy

  • 02.09.2020 19:28
  • 4.6k+

Ispaniýa barýan daşary ýurtly syýahatçylaryň sany serhetleriň açylandygyna garamazdan, iýulda geçen ýylyň şu aýy bilen deňeşdirilende 75% pese gaçdy. Bu barada “Daily Star” neşirine salgylanmak bilen inc-news.ru habar berýär.

“Iýulda syýahatçylaryň çykdajylary bolsa 2019-njy ýylyň iýuly bilen deňeşdirilende tas 80% azaldy. Syýahatçy başyna çykdajynyň ortaça bahasy 17,8% peseldi” – diýip, neşir ýazýar.

Şeýle-de, iýulda myhmanhanalary bronlap goýmagyň sany hem 73,4%, beýleki ýerleşilýän ýerleriňki – tas 50% kemeldi. Ispaniýa daşary ýurtlular üçin serhetini 21-nji iýunda açdy. Syýahatçylykdan gelýän girdeji ýurt üçin örän möhüm, ol ýurduň jemi içerki önüminiň 12%-ini tutýar. Ispaniýa dünýäde syýahatçylaryň iň köp barýan ýurtlarynyň arasynda ikinji orny eýeleýär.
Serhetler açylandan soň, ýurtda COVID-19-yň täze ýaýrawlary bellige alnyp başlandy, şol sebäpli birnäçe ýurtlar ol ýerden dolanyp gelýän raýatlar üçin çäklendirmeleri girizdi.
Muňa garamazdan, iýun bilen deňeşdirilende iýulda Ispaniýanyň myhmanlarynyň sany 12 esse, syýahatçylaryň çykdajylary 18 esse ýokarlandy. Iýulda Ispaniýa syýahatçylaryň köpüsi Fransiýadan, Germaniýadan we Beýik Britaniýadan geldi. Syýahatçylar, esasan, Balear adasyna, Kataloniýa we Walensiýa bardylar.

şu gün 08:51
1.1k+

«Türkmenistan» awiakompaniýasy Aşgabat-Türkmenbaşy gatnawlaryň sanyny artdyrdy

«Türkmenistan» awiakompaniýasy içerki gatnawlaryň tertibini täzeledi. Aşgabat — Türkmenbaşy ugry boýunça goşmaça gatnaw girizdi we Daşoguz şäherine uçuşlaryň sany täzelendi. Aşgabat — Türkmenbaşy ugry boýunça T5-245 belgili gatnaw 12-nji dekabra çenli her gün amala aşyrylar...

düýn 21:19
1.2k+

Angliýanyň hökümeti syýahatçylyk salgydyny girizmegi meýilleşdirýär

Angliýanyň hökümeti otellerde, myhman öýlerinde we beýleki ýerleşilýän jaýlarda galýan myhmanlar üçin syýahatçylyk salgydyny girizmäge taýýarlanýar. Ýolbaşçylar häkimlere şeýle tölegi kesgitlemäge hukuk bermegi meýilleşdirýär...

düýn 09:28
3.3k+

La Liste ýylyň iň gowy 1000 restoranyny saýlady

Parižde restoranlaryň iň belli halkara reýtingleriniň biri bolan La Liste ýyllyk baýragynyň netijesi yglan edildi. Şu ýyl birinji orunda birbada on restoran ýerleşdi – olaryň ählisi 100-den 99,5 bal gazandy. Öňdebaryjylaryň biri Pariždäki Guy Savoy boldy...

26.11.2025 13:14
8k+

Hytaýyň Şençžen şäherinde dünýäde iň uly üsti ýapyk dag lyža kurorty açyldy

Hytaýda dünýäde iň uly üsti ýapyk dag lyža kurorty bolan Huafa Snow World işläp başlady. Ol Şençžende ýerleşýär we 100 müň inedördül metr meýdany tutýan emeli garly toplumdyr (bu takmynan 11 futbol meýdançasyna barabardyr)...