Eline şikes ýetendigi sebäpli Pragada Merkezi harby hassahanasyna Çehiýanyň Prezidenti Miloş Zeman ýerleşdirildi we ol operasiýa etdirmeli bolar diýip, RIA Nowosti habar berýär.
Döwlet ýolbaşçysynyň metbugat-kätibi Ýirži Owçaçek syýasatçynyň janynyň howp astynda däldigini, onuň maşgalasy we döwlet edarasynyň işgärleri bilen aragatnaşykda bolýandygyny habar berdi. Ol Miloş Zemanyň täzelikleri göreninden soň, kürsüden turmakçy bolanda elini döwendigini aýtdy.
“Jenap prezident agşam telewizorda täzelikleri gördi, täzelikler gutaransoň, turmakçy bolanda özüniň hasasyndan ýa-da goragçynyň kömeginden peýdalanmady, netijede ol büdräp, sag elini döwdürdi” – diýip, Owçaçek düşündirýär.
2020-nji ýylyň fewralynda Zeman hassahanada barlagdan geçdi, şundan soň žurnalistlere özüniň “doly derejede sagdyndygyny” mälim etdi.
70 ýaşly çeh prezidenti öň aýak keselinden zeýrenýärdi, şonuň üçin ol hasaly ýöreýär. Mundan başga-da, onda 2019-njy ýylda pes arterial basyşa we soňky iki ýylyň içinde onuň 20 kg horlanandygy sebäpli organizmiň guramagyna ýykgynlygyň bardygy anyklanyldy.
