Çempionlar ligasynyň final duşuşygynda «Bawariýa» «Pari Sen-Žermen» fransuz klubyny 1:0 hasabynda ýeňip, UEFA Çempionlar ligasynyň 2019/20 möwsüminiň ýeňijisi bolmagy başardy.
Lissabonda geçen duşuşykda ýeke-täk pökgini «PSŽ-niň» öňki oýunçysy Kingsli Koman 59-njy minutda tora gönükdirdi.
Bu ýeňiş «Bawariýanyň» taryhynda Çempionlar ligasynda altynjy ýeňşidir. Ýeňiş sany babatda ol iňlisleriň «Liwerpul» kluby bilen üçünji orunda ýerleşýär. Birinji ýerde Madridiň «Realy» (13) we Italiýanyň «Milany» (7) ýerleşýär.
