Ýewropada ýaşlaryň arasynda COVID-19 bilen keselleme sany artýar

  • 01.08.2020 06:22
  • 15k+

Bütindünýä saglygy goraýyş guramasynyň habar bermegine görä, Ýewropa ýurtlarynda karantin çäreleriniň ýuwaş-ýuwaşdan aýrylmagy we gowşadylmagy diňe bir ýokanjyň täze ojaklarynyň ýüze çykmagyna getirmek bilen çäklenmän, eýsem, COVID-19 ýokanjy bilen keselleýänleriň ýaş derejesiniň üýtgemegine hem getirdi, diýip Euronews habar berýär.

Bellenilişi ýaly, häzirki wagtda keselleýänler garry adamlar däl-de, tersine, 40 ýaşyna ýetmedikler bolup durýar. Hünärmenler munuň sebäbini ýaşlaryň özlerini alyp baryşlary we olaryň howpsuzlyk çärelerini mydama berjaý edip durmaýandygy bilen düşündirýärler.
BSGG-niň Ýewropa sebit müdiri Hans Klýuge metbugat üçin bildiriş etdi:

“Örän ünsli bolmak gerek, sebäbi eger-de ýaş adamlar wirusy ýaýradyjylar bolsa, olaryň köp adamlar, şol sanda howp astyndaky topara girýän adamlar bilen hem gatnaşyk etmegi mümkin. Şonuň üçin ähli ugurlarda internet, bloglar arkaly iş alyp barmak we howp barada düşündirmek gerek, ýöne bu adamlary ýazgarmaly däl-de, diňe olaryň wirusy geçirijidiklerini düşündirmeli, sebäbi ýazgarmaklyk gowy zadyň üstünden eltmeýär, tersine, netijeliligiň garşysyna hereket edýär”.

Ýaşlaryň arasynda keselleýänleriň sanynyň köpelmegi tutuş Ýewropa yklymy üçin häsiýetli hadysadyr. Bu kesellileriň umumy sanynyň peselýän, ýöne ýaşlaryň arasynda wirusy ýaýradyjylaryň sanynyň ýokarlanýan ýerlerine, meselem, Şwesiýa ýaly ýurtlara hem degişlidir. Irlandiýada häzirki wagtda ýaşy 45-den kiçi bolanlaryň arasynda tassyklanan COVID-19 ýagdaýy 60%-den hem ýokary.

25.11.2025 17:22
3.5k+

Hytaý taryhynda ilkinji halas ediş kosmos missiýasyny uçurdy

2025-nji ýylyň 25-nji noýabrynda ýerli wagt boýunça 12:11-de (Aşgabat wagty bilen 09:11) Hytaý gyssagly ýagdaýda “Şençžou-22” kosmos gämisiniň “Týangun” orbital stansiýasyna uçuşyny amala aşyrdy. Gämi “Çançžen-2F” raketasynda Szýusýuan kosmodromyndan ekipažsyz uçup, orbita üstünlikli çykdy...

25.11.2025 12:46
17k+

Hindi kinosynyň iň meşhur aktýorlarynyň biri Dharmendra aradan çykdy

Mumbaýda 89 ýaşynda Bolliwud kinosynyň ýyldyzy Dharmendra (doly ady – Dharmendra Kewal Krişan Deol) aradan çykdy. Bu barada Variety neşiri habar berýär. Dharmendra hindi kinosynyň iň esasy şahsyýetleriniň biridi...

21.11.2025 23:45
5.8k+

Uelsdäki muzeýden bürünç asyrynyň altyn şaý-sepleri ogurlandy

Uelsiň paýtagty Kardiff şäherindäki muzeýden bürünç asyrynyň altyn şaý-sepleri ogurlandy. Bu barada ýerli polisiýa salgylanyp, Telegraph gazeti habar berdi. Gazetiň maglumatlaryna görä, bürünç asyrynyň birnäçe özboluşly predmetleri Keramatly Fagan galasynyň çägindäki Milli taryh muzeýiniň baş edarasyndaky witrinadan ogurlandy...

20.11.2025 18:49
6.3k+

NASA 3I/ATLAS kometasynyň Ýere howp salmaýandygyny aýdyp, onuň emeli gelip çykyşyny ret etdi

3I/ATLAS kometasy Gün ulgamyndan daşary ýerden geldi diýip, brifingde NASA-nyň ýolbaşçysynyň orunbasary Amit Kşatriýa habar berdi. Agentligiň esasy ylmy işgäri Tom Stetler kometanyň Gün ulgamyndan ep-esli gadymy bolan ýyldyz ulgamynda emele gelip bilendigini aýdýar...