Samsung kompaniýasy smartfonlar üçin displeýlerden, ýat mikroshemalaryndan, surat datçiklerinden we prosessorlardan ýa-da bir kristally sistemalardan (SoC) başlap, köp sanly komponentleri öndürýär.
“Counterpoint Research” analitik agentliginiň soňky hasabaty boýunça, Samsung kompaniýasynyň mobil gurluşlary üçin SoC-yň dünýä bazarynda 2019-njy ýyl boýunça paýy 14,1%-e barabar boldy. Bu günorta koreý kompaniýasyna Apple-i smartfonlar üçin prosessorlary öndürijileriň ilkinji üçlüginden çykarmaga mümkinçilik berdi. Bellenilip geçilen bazarda Apple-iň paýy 13,1%-e deň, bu barada ixbt.com portaly habar berýär.
Birinji we ikinji orny bazaryň degişlilikde 33,4% we 24,6%-i degişli bolan Qualcomm we MediaTek kompaniýalary eýeleýär. Geň ýeri, bäş sany öňdebaryjy öndürijileriň arasynda diňe Samsung bilen Huawei ösüşi görkezdi.
Samsung kompaniýasy SoC Exynos-y çykarýar. Olar diňe bir Samsung-yň smartfonlary üçin däl-de, eýsem Meizu we Vivo kompaniýalarynyň smartfonlary üçin hem ulanylýar.