Betmeniň duşmany Pingwin baradaky spin-off seriala 4 günde 5,3 mln adam tomaşa etdi

  • 26.09.2024 13:52
  • 5.3k+

“Betmen” filminiň (2022) spin-offy bolan “Pingwin” serialyna 19-njy sentýabrdaky premýerasyndan bäri ilkinji dört günüň içinde ähli HBO platformalarynda 5,3 mln adam tomaşa etdi.

Variety neşiriniň maglumatlaryna görä, bu HBO Max-da täze şou üçin ikinji iň gowy netijedir. Ondan öňde 2023-nji ýylyň ýanwar aýynda çykan “The Last of US” serialy bar.
Baş personaž Pingwiniň keşbini ýene-de Kolin Farrell ýerine ýetirer, ol öň “Betmen” filminde bu otrisatel gahrymanyň roluny oýnapdy. Serialyň sýužeti filmiň wakasyny dowam etdirip, Pingwiniň Gotemiň jenaýat dünýäsinde öz agalygyny nähili giňeldýändigini görkezýär.
Taslamanyň ssenariýaçysy we şouranneri bolup Loren LeFrank, ýerine ýetiriji prodýuseri hökmünde asyl filmiň režissýory Mett Riwz çykyş etdi. Serial 8 bölümden ybarat.


şu gün 00:39
832

Lionsgate täze “Açlyk oýunlary: Orak möwsüminiň säheri” filmindäki keşp üçin muşdagy saýlady

Lionsgate kinostudiýasy “Açlyk oýunlary: Orak möwsüminiň säheri” (Голодные игры: Рассвет жатвы) filmi üçin açyk kastingiň ýeňijisini yglan etdi. Filme Floridadan aktýor we režissýor Dewon Singlteri gatnaşar. Ol Bleriň – Heýmitç Abernatiniň we Berd Ewerdiniň ýakyn dostunyň, Kitnissiň kakasynyň keşbini ýerine ýetirer...

şu gün 00:28
2k+

Alymlar iň gorkunç 10 filmi aýtdylar

“Science of Scare” britan taslamasy iň gorkunç filmleriň täzelenen reýtingini hödürledi. Hünärmenler tomaşa wagty adamlaryň pulsuny ölçäp, haýsy horror filmleriň olarda uly gorky döredýändigini kesgitledi diýip, Forbes ýazýar...

düýn 00:17
1.9k+

“Mitçeller bilen maşynlaryň gapma-garşylygy” multfilminiň dowamy çykar

“Mitçeller bilen maşynlaryň gapma-garşylygy” (The Mitchells vs. the Machines) animasion filminiň dowamy çykarylar. Variety neşiriniň habar bermegine görä, täze bölümiň režissýorlary hökmünde Jeý Pi Sans (“Garagol ýigitler 2”) we asyl filmiň ssenarisiniň üstünde işlän Gilýermo Martines çykyş eder...

23.10.2025 18:04
3.5k+

Disney “Tron: Ares” filminiň şowsuz bolmagy sebäpli $133 mln möçberde ýitgi çeker

Belli “Tron” ylmy-fantastik franşizasynyň dowamy bolan “Tron: Ares” filmi Disney üçin şowsuz taslama boldy. Deadline neşiriniň habar bermegine görä, kompaniýa onuň önümçiligine, takmynan, 220 mln dollar sarp etdi – bu tutuş franşiza üçin rekord mukdardyr...