Içeri işler ministrligi Ýol gözegçilik gullugynyň jerimelerini onlaýn görnüşde görmäge hem-de tölemäge mümkinçilik berýän “Galkan töleg” ykjam goşundysyny işe girizdi.
Bu ykjam goşundynyň üsti bilen islendik adam awtoulagy barada maglumatlaryny girizip, bar bolan jerimeleri barada maglumaty görüp, şeýle hem Altyn asyr bank kartlarynyň üsti bilen töleg edip biler.
Ykjam goşundyda düzgün bozulmanyň senesini, salgysyny hem-de tölegini görüp bolýar.
“Galkan töleg” ykjam goşundysynyň üsti bilen diňe bir öz jerimeleriňi däl, eýsem, karar belgisi boýunça başga awtoulaglaryň hem jerimesini töläp bolýar.
Mundan başga-da ykjam goşundyda awtoulagyň eýeleri öňki tölenen jerimeleri barada hem maglumat alyp bilerler.
Häzirki wagtda Google Play-da Android smartfonlary üçin elýeterli bolan “Galkan töleg” ykjam goşundysy ýakyn wagtda iOS ulgamly smartfonlar üçin hem çykarylar.
“Galkan töleg” ykjam goşundysyny nädip ulanmaly?
- Google Play-dan “Galkan töleg” ykjam goşundysyny telefonyňyza ýükläp almaly we hasaba girmeli;
- Awtoulagyň Döwlet belgisini, Bellige alnanlygy hakynda güwänamanyň senesini, Bellige alnanlygy hakynda güwänamanyň belgisini girizip, sanawa goşmaly (Sanawa birnäçe awtoulagy goşup bolýar).
“Galkan töleg” ykjam goşundysyny ýükläp almak üçin şu salga basyň!
Habarlaşmak üçin: mail@mia.gov.tm
