Internetde täze Nissan Murano 2025-iň ilkinji gezek örtüksiz görkezilýän wideosy peýda boldy. IXBT-iň ýazmagyna görä, krossoweriň dizaýnynda möhüm üýtgeşmeler bolup geçipdir, käbir böleklerinde Ariýadan we Kiksden nusga alypdyr.
V-Motion gözenegi ornuny akgynlylyk bilen biri-biriniň üstünde duran faralara geçip gidýän kese zolakly gözenege beripdir. Tapawutlandyryş belgisi ýükdanyň gapagyndan bampere geçipdir we yzky çyralar bolsa has inçelipdir.
Murano 2025-iň salony futuristik atmosfera eýe. Sanly gurallar panelini we Google tarapyndan goldanjakdygy habar berilýän maglumat ulgamyny birleşdirýän uly displeý dessine göze ilýär.
Täze ekranlardan başga-da, salonda Ariýa görnüşindäki howa çalşyjy deşikler, sesi sazlaýan uly düwme we fiziki düwmeli howa gözegçilik blogy bar.
Murano 2025 Pathfinder-de we Infiniti QX60-de hem ulanylýan täzelenen D platformasynda gurlar. Krossower 260 at güýjüni ösdürip, 3,5 litrlik V6 ýerine täze turbo görnüşli dört silindrli hereketlendirijini, şeýle hem yzygiderli üýtgeýän geçirişiň ýerine adaty dokuz tizlikli awtomatiki geçirijini alar diýlip garaşylýar.
