UEFA “Barselona” klubuna “PSŽ” bilen oýunda janköýerleriň hereketleri üçin jerime saldy

  • 21.04.2024 11:06
  • 17k+

“Barselona” klubuna Çempionlar ligasynyň “Pari Sen-Žermen” bilen birinji dörtden bir final oýnunda janköýerleriň özlerini alyp baryşlary üçin jemi 32 müň ýewro möçberde jerime salyndy. Bu barada UEFA-nyň saýtynda habar berilýär.

Oýun 10-njy aprelde Parižde geçip, Kataloniýa klubunyň 3:2 hasabynda utmagy bilen tamamlandy.
“Barselona” janköýerleriň jynsparaz hereketleri üçin 25 müň ýewro, pirotehnika üçin 2 müň ýewro we PSŽ-niň stadionyna ýeten zeper üçin 5 müň ýewro tölär.
Şeýle-de, ispan klubuna ýewrokuboklarda bir myhmançylykdaky oýun üçin janköýerlere petek satmak gadagan edildi, ýöne bu sanksiýa bir ýyl synag möhleti bilen togtadyldy.
16-njy aprelde geçirilen jogap oýnunda “Barselona” parižlilerden 1:4 hasabynda utuldy we ýaryşdan çykyp, geljek ýylda geçiriljek Klublaýyn dünýä çempionatyna saýlanmak mümkinçiligini-de ýitirdi.

 


düýn 13:04
5.2k+

Koul Palmer Klublaýyn dünýä çempionaty – 2025-iň iň gowy oýunçysy diýlip ykrar edildi

2025-nji ýylyň Klublaýyn dünýä çempionaty ýaryşynyň jemi boýunça aýry-aýry nominasiýalarda ýeňijiler yglan edildi. Ýaryşyň iň gowy oýunçysy “Çelsiniň” angliýaly ýarymgoragçysy Koul Palmer boldy. Ol alty oýna gatnaşyp, üç gol we iki assist bilen tapawutlandy...

düýn 07:35
9.8k+

“Çelsi” “PSŽ-ni” utup, Klublaýyn dünýä çempionatynyň ýeňijisi boldy

Londonyň “Çelsisi” Klublaýyn dünýä çempionatynyň finalynda Fransiýanyň “PSŽ” toparyny 3:0 hasabynda utdy. Aýgytly oýun Ist-Raterforddaky (ABŞ) “Metlaýf” stadionynda geçirildi. Gollaryň ählisi oýnuň birinji ýarymynda girizildi...

12.07.2025 19:10
4.5k+

“Kristal Pelas” eýeçilik meselesi sebäpli Ýewropa ligasyna gatnaşmakdan mahrum edildi

Ýewropa Futbol Assosiasiýalary Bileleşigi (UEFA) Londonyň “Kristal Pelas” klubuny onuň eýeçilik gurluşy bilen bagly bähbitleriň ters gelýändigi sebäpli, Ýewropa ligasyndan Konferensiýalar ligasyna düşürdi. Bu karar amerikaly telekeçi Jon Tekstoryň iňlis toparynda-da, Fransiýanyň “Lion” klubunda-da paýynyň bardygy bilen baglanyşykly kabul edildi...

12.07.2025 19:04
7.7k+

“Liwerpul” Diogu Žotanyň hatyrasyna 20-nji belgini hemişelik dolanyşykdan aýyrdy

“Liwerpul” futbol kluby toparyň aradan çykan hüjümçisi Diogu Žotanyň hatyrasyna 20-nji belgini dolanyşykdan aýyrýandygyny habar berdi. Bu barada klubuň saýtynda ýerleşdirilen resmi beýanda aýdylýar. “Bu onuň buýsanç we mertebe bilen göteren, köp sanly ýeňişlere getiren belgisidi...