Microsoft Excel programmasynda Python programmirleme diline goldawy ornaşdyrar.
Microsoft-yň häzirki zaman amallarynyň baş müdiri Stefan Kinnestrand The Verge portalyna beren habarynda: "Python-yň grafikleri we kitaphanalary arkaly Excel-de maglumatlary dolandyryp we gözläp bilersiňiz, soňra Excel-iň formulalaryny, diagrammalaryny we jemleýji tablisalaryny ulanyp bilersiňiz" - diýdi. Şol bir wagtyň özünde, ulanyjylar maglumatlary wizuallaşdyrmak üçin ýöriteleşdirilen Matplotlib we Seaborn kitaphanalaryny hem ulanyp bilerler.
Täze funksiýalara girmek üçin goşmaça programma üpjünçiligini gurnamak talap edilmeýär. Ilki bilen, programma dilini goldaýan ofis programmasynyň täzelenmesi diňe Windows-da elýeterli bolar, ýöne soňra beýleki platformalarda hem goýberiler. Şeýle hem, Microsoft-yň wekilleri Python-ly Excel-iň beta-wersiýasynyň Microsoft 365 abuna ýazylyşygyna girjekdigini belläp geçdi, ýöne synag tamamlanandan soň, "käbir funksiýalary satyn almak üçin ygtyýarnama talap eder".
