Olbg platformasy 2021-nji ýylda meşhur türgenler tarapyndan işjeň çykyşlaryň bir minutynda gazanylan pul mukdaryny hasaplady. Gözlegiň netijelerini Sporf ýetirýär diýip, lenta.ru belleýär.
Bu görkeziji boýunça garyşyk stiliň (MMA) irlandiýaly söweşijisi Konor Makgregor lider boldy. Ol geçen ýyl Absolýut söweş çempionatynyň (UFC) çäginde iki söweşe gatnaşdy. Ol amerikaly Dastin Porýe bilen iki gezek söweşdi we iki gezek-de ýeňildi.
Umuman alanyňda, Makgregor oktagonda üç minut boldy. Bu wagtyň içinde ol 22 mln dollar gazandy. Söweşijiniň bir minutda gazanjy 8,69 mln dollar boldy. Makgregora bir million dollar gazanmak üçin bary-ýogy ýedi sekunt işjeňlik gerek boldy.
Makgregordan soň ikinji bolup meksikaly boksçy Saul Alwares gelýär. Onuň bir minutda gazanjy 444 müň dollar boldy. Üçünji orunda amerikan futbolynyň oýunçysy Dak Preskott ýerleşdi. Ol bir minutda 325 müň dollar gazandy.
