Dünýädäki Android ulanyjylary programmalaryň sebäpsiz awtomatiki ýagdaýda ýapylmagyndan arz edip başladylar. Mesele köpçülikleýin häsiýete eýe boldy.
Google-yň hünärmenleri bu meseläni ulgamdaky WebView programmasynyň düzüminiň täzelenmeginde diýip hasaplaýarlar. Hünärmenler Android-de programmalaryň ýapylmagyna sebäp bolýan komponentleri täzelemekdäki näsazlygy düzedendiklerini habar berdiler. Munuň üçin Google Play-den Android System WebView-iň we Chrome-yň täze wersiýalaryny ýüklemeli.
Şuňa meňzeş meselä duçar bolsaňyz, ony düzetmegiň aňsat usuly bar. Munuň üçin "Nastroýki" → "Priloženiýalar" bölümine girip, üç nokatly menýudan ulgam priloženiýalaryny görkezmek amalyny ýerine ýetiriň. Gözlegden Android System WebView tapyp, «täzelenmäni pozmak» düwmesine basyň.
Käbir ulanyjylarda WebView täzelenmesini aýyrmak üçin düwme bolman ýa-da ol kömek etmän biler.
Bu ýagdaýda, Chrome brauzeri aýryp, täzeden gurnap bilersiňiz.
The Verge, Google-yň bu meseläni çözmek üçin eýýäm işleýändigini habar berdi. Onuň näçe wagt aljagy entek belli däl.
Internetdäki şikaýatlara görä, mesele köplenç halatda Gmail programmasynda, ykjam oýunlarda we internet birikmesi bolan beýleki programmalarda döreýär. Şeýle hem bellenilişine görä, meseleler smartfonyň modeline, Android wersiýasyna we beýleki ölçeglerine garamazdan ýüze çykýar.
