Absolýut göreş çempionatynyň (UFC) prezidenti Dana Uaýt ýeňil agram boýunça guşagyň eýesi Habib Nurmagomedowyň we iki diwizionda guramanyň eks-çempiony Konor Makgregoryň arasynda rewanş geçirmek barada pikirlenip görmegi üçin, olaryň ilki bilen özleriniň indiki göreşlerini ýeňmelidiklerini habar berdi.
«Nurmagomedowyň Fergýuson bilen göreşine razylyk alyndy. Eger Habib Toniden, Konor Makgregor bolsa Donald Serroneden üstün çyksa, onda gün tertibinde Makgregor bilen Nurmagomedowyň nobatdaky göreşi bolar» - diýip, Uaýt BT Sport-a beren interwýusynda belleýär.
Russiýaly we irlandiýalynyň türgeniň arasyndaky ilkinji göreş 2018-nji ýylyň oktýabrynda UFC 229 turnirinde geçirildi, şonda Nurmagomedow ýeňiş gazandy.
Belläp geçsek, ýaňy-ýakynda Nurmagomedow Mekgä bardy. Ol eýýäm ikinji gezek zyýarat etdi. Birinji gezek ol Saud-Arabystanda 2016-njy ýylyň ahyrynda bolupdy.
UFC-niň prezidenti Nurmagomedow - Makgregor rewanşynyň haçan boljakdygyny aýtdy
- 13.12.2019 07:21
- 12k+
