2019-njy ýylyň noýabryndaky ýagdaý boýunça FIFA-nyň milli ýygyndylaryň reýtingi boýunça täzelenen nusgasy neşir edildi. Bu barada Turkmenportal Halkara futbol federasiýasynyň saýtyna salgylanyp habar berýär. Reýtingde dünýäniň iň güýçli futbol ýygyndylarynyň üçlügi üýtgewsiz galdy: Belgiýa liderligi saklaýar, soňra Fransiýa we Braziliýa gelýär.
Geçen gezekki reýtingde 133-nji orny eýelän Türkmenistanyň ýygyndysy bu gezek 4 basgançak ýokarlanyp, 129-njy boldy. belläp geçsek, şu aýda milli ýygyndymyz Dünýä çempionatynyň saýlama tapgyrynyň çäklerinde KHDR (3:1) we Şri-Lanka (2:0) garşy duşuşyklary üstünlikli geçirdi.
Saýlama tapgyrda Türkmenistanyň bäsdeşleri reýtingde şu ýerleri eýelediler: Koreýa Respublikasy (41-nji ýer), Liwan (89-njy ýer), KHDR (116-njy ýer), Şri-Lanka (205-nji ýer).
Türkmenistanyň ýygyndysy FIFA-nyň reýtinginde 4 orun öňe süýşdi
- 28.11.2019 17:28
- 5878
