Garyşyk göreş sungatynyň (MMA) rus göreşijisi Habib Nurmagomedow köçede başa-baş göreşiň ulanylmagy bilen bagly öz pikirini aýtdy. Göreşijiniň janköýerler bilen duşuşygy You-Tube-kanalynda RT-de goýuldy.
31 ýaşly Nurmagomedow “özüni gorap bilmeýänler” bilen dawa giren ýagdaýynda göreşijiniň özüniň türgenlik hereketlerini ulanmaly däldigini belledi. “Men, eger-de sen köçede başa-baş göreşi ulansaň, onda ol sowuk ýaraga barabar bolmaly diýip hasaplaýaryn” – göreşiji aýdýar. Ol taýýarlyksyz adamyň hatda ýykylan wagtynda hem goranyp bilmeýändigini, munuň bolsa düýpli ýagdaýlara getirjekdigini belledi.
Awgustda irlandiýaly göreşiji Konor Makgregoryň Dublindäki barda 50 ýaşly adamynyň sportsmeniň adyny göterýän wiski görnüşini datmakdan ýüz öwrendigi üçin urandygy belli bolupdy. Irlandiýaly göreşiji munuň üçin kazyýetde jogap bermeli boldy: 1114 dollar jerime töledi, şeýle-de ejir çekene töleg berdi, ýöne onuň näçedigi aýan edilenok. Nurmagomedow Absolýut göreş çempionatyndaky (UFC) çykyşlary bilen belli. Sentýabrda ol ýeňil agram boýunça Abu-Dabide turnirde amerikanly Dastin Porýeden üstün çykyp, ikinji gezek özüniň çempionlyk guşagyny gorady. Habib Nurmagomedow agram kategoriýalaryny hasap etmezden UFC-niň göreşijileriniň reýtinginde ikinji setiri eýeleýär. Rus göreşiji diňe ýarym agramlykdaky çempion Jon Jonsdan pesde durýar.
Nurmagomedow MMA göreşijileriniň adaty adamlar üçin howpludygy barada gürrüň berdi
- 18.11.2019 11:18
- 7k+
