Kriştianu Ronalduny iki ýyl futboldan çetleşdirmekleri mümkin

“Ýuwentusyň” oýunçysy, ýagny “Milan” bilen bolan oýunda oýunçy çalşyrygyndan soň tälimçiniň elini gysman, oýun gutarmanka stadiondan giden Kriştianu Ronaldunyň töweregindäki dawa barha güýjeýär. Käbir ekspertler portugaliýaly oýunça uzak wagtlyk – 2 ýyla çenli diskwalifikasiýa boljakdygyny aýdýarlar. Onuň sebäbi – antidoping düzgünleri.
Вести.Ru-nyň habar bermegine görä, Ronaldu Seriýa “A”-nyň 12-nji tapgyr oýnunda özüniň başga bir oýunçy bilen çalşyrylmagyndan närazy bolýar we ol “Ýuweniň” baş tälimçisi Maurisio Sarriniň elini gysmaýar. Şondan soň portugaliýaly oýunçy ätiýaç oýunçylaryň oturgyçlarynyň ýanyndan geçip, geýim çykarylýan otaga gidýär we ahyrky jürlewüge birnäçe minut galanda “Staraýa sinýora” meýdançasyny taşlap gidýär.
Klub we Sarri Kriştianuny bagyşlamaga taýýar, ýöne hünärmenler Seriýa “A”-nyň ýolbaşçylarynyň bu wakany çözmelidiklerini we öte geçen ýyldyza çäre görmelidigini berk nygtaýarlar. Çünki oýna gatnaşyjylaryň hiç biri doping üçin barlag geçirilmänkä, sebäpsiz oýun ýerinden gidip bilmeýär. Barlag saýlama görnüşinde geçirilýär, ýöne antidoping hyzmatynyň ofiserleriniň kimi barlajakdygyny hiç kim öňünden bilmeýär.
“Ronaldu stadiondan oýun gutarmanka gitdi? – Чемпионат.Com “Romanyň” we Italiýanyň ýygyndy toparynyň öňki oýunçysy Antonio Kassanodan sitata getirýär. –Bu gadagan, sebäbi oýundan soň doping-barlag geçirilýär. Ýadymda, “Lasio” bilen oýun wagtynda men ikiýyllyk diskwalifikasiýadan gaçmak üçin stadiona dolanmaly bolupdym”.