Absolýut göreş çempionaty (UFC) rus göreşiji Habib Nurmagomedowyň we Newada ştatynyň Atletik komissiýasynyň ýaraşygy barada gepleşikleri alyp barýar. Bu barada TACC-a salgylanmak bilen Trend-iň habar bermegine görä, žurnalistlere Moskwadaky turnirden soň UFC-niň wise-prezidenti Dawid Şou habar beripdir.
“Biz atletik komissiýasy bilen gatnaşygy saklaýarys we olaryň Habib bilen ähli düşünişmezliklerini çözjekdigine ynanýarys” – Şou aýdýar.
Öň Nurmagomedow oňa ýazda Las-Wegasda göreşmegi hödürländikleri barada habar beripdi, ýöne ol bu şäherde komissiýa ondan ötünç soraýança çykyş etmez.
Nurmagomedow we irlandiýaly Konor Makgregor Las-Wegasda 2018-nji ýylyň 6-njy oktýabrynda UFC 229 turnirinde başa-baş göreşe çykypdylar. Şonda rus göreşijisi ýeňiş gazandy. Göreşden soň göreşijileriň komandalarynyň agzalarynyň gatnaşmagynda uruş ýüze çykdy. 2019-njy ýylyň 29-njy ýanwarynda Newada ştatynyň Atletik komissiýasy irland göreşijini alty aý diskwalifisirledi, rus türgenini – dokuz aý.
Nurmagomedowyň häzirki wagta çenli 28 ýeňşi bar, ýekejede ýeňlişi ýok.
UFC Nurmagomedowy Newadanyň Atletik komissiýasy bilen ýaraşdyrmak boýunça gepleşikleri geçirýär
- 10.11.2019 20:52
- 6898
