Geely kompaniýasy täze Icon krossowerini resmi taýdan hödürledi

Nankin şäherindäki dizaýn hünär okuwynda täze Geely Icon awtomobiliniň – Geely-nyň Volvo bilen bilelikde işläp düzen BMA (B-segment Modular Architecture) platformasynda gurnalan ikinji krossoweriniň resmi taýdan tanyşdyrylyş dabarasy boldy .
Resmi press-reliziň habar bermegine görä, Geely Icon 2018-nji ýylda Hytaýyň halkara awtosalonynda görkezilen konseptiniň esasy alamatlaryny saklap galyp, Geely-niň “ösýän dünýä” kämilleşdirilen dizaýn konsepsiýasyny özboluşly janlandyrýar.
Icon krossoweriniň keşbiniň üstünde Geely-niň bütindünýä boýunça dürli dizaýner studiýalarynyň hünärmenleri işlediler: daşky keşbi Barselonada taslanylan, içki keşbi – Kaliforniýada, ahyrky işler Şanhaý studiýasynda alnyp baryldy. Netijede adaty ýoldan daşary dizaýnyň deregine, awtomobil has minimalistik we aýdyň görnüşe eýe boldy.
Tapgyrlavyn Geely Icon-yň kuzowy konsept-karyň anyk blok gurluşyny saklap galdy. Mundan başga-da, seriýalaýyn Icon-da gönüburç şekilli radiatoryň gorizontal germewleri, aýlaw tükeniksizlik şekilindäki faralary we hereketlenýän gündizki inçe diod yşyklary saklanypdyr. Çekilip çykarylýan gizlenen gapy tutawaçly gapdal profili we öwrüm görkeziji oturdylan arka görnüşli aýnalary bilen haý-tek stilinde döredilen bu awtoulag özüne bolan täsiri has-da artdyrýar. Gönüburçly formadaky yzky fonarlarda hem tükeniksizligiň şekili görünýär.
Interýer hem minimalistik dizaýnda ýerine ýetirilen. Bu dizaýn arkaly awtomobilde has boş giňişlik emele geldi. Geely Icon-yň torpedasynda iki sany uly ekran ýerleşýär – enjam paneli we merkezi informasion-güýmenje konsoly. Bu interaktiw ekranlaryň kömegi bilen ulanyjylar transport serişdeleri bilen özara gatnaşyk saklap bilýär we intellektual GKUI ekosistemasy arkaly beýleki dünýä birigip bilýär.
Öndüriji, gündogar däplerine eýerip, Icon adynyň birwagtda iki zady şöhlelendirýändigini belläp geçýär: bu hem eýýamy görkeziji idol, hem hemmä belli sanly ulgamdaky programma belgisi. Bu adyň saýlanyp alynmagy Geely krossoweriniň özüniň awangard dizaýnynda we tehnologiýalarynda ynamyny artdyrmaklyga gönükdirilen.