Serdar Berdimuhamedow iri sport ýaryşlarynda ýeňiji bolan türgenleri gutlady

  • 03.08.2022 12:24
  • 14k+

Şu gün - 3-nji awgustda "Awaza" milli syýahatçylyk zolagynda Russiýa Federasiýasynyň Astrahan — Moskwa şäherleriniň aralygynda geçirilen awtomobil sportunyň ralli-reýd görnüşi boýunça «Ýüpek ýoly — 2022» atly halkara ýaryşda, şeýle hem Özbegistan Respublikasynyň Daşkent şäherinde agyr atletika boýunça ýetginjekleriň we ýaşlaryň arasynda geçirilen Aziýa çempionatynda üstünlikli çykyş edip, baýrakly orunlara mynasyp bolan Türkmenistanyň ýygyndy toparlarynyň türgenlerini sylaglamak dabarasy geçiriler. Bu waka mynasybetli Prezident Serdar Berdimuhamedow Gutlag iberdi.

"Türkmenistan döwletimiz sagdynlygyň we ruhubelentligiň mekanyna öwrülýär. Ýurdumyzda sporty we köpçülikleýin bedenterbiýäni ösdürmäge uly üns berilýär. Bu bolsa biziň alyp barýan döwlet syýasatymyzyň ileri tutulýan ugurlarynyň biridir. Diýarymyzyň ähli künjeklerinde döwrebap sport toplumlarynyň, stadionlaryň we beýleki sport maksatly binalaryň yzygiderli gurlup ulanmaga berilmegi türgenlerimiziň dürli sport ýaryşlarynda üstünlikli çykyş etmegini, baýrakly orunlara mynasyp bolmagyny şertlendirýär. Garaşsyz döwletimiziň türgenleri halkara sport ýaryşlaryna işjeň gatnaşýarlar we baýrakly orunlary eýeläp, altyn medallara hem mynasyp bolýarlar" diýip, döwlet Baştutany Gutlagynda belleýär.

Prezident Serdar Berdimuhamedow: "2021-nji ýylda ýurdumyzyň sportunyň taryhynda täze üstünlikli sahypalar açyldy. Ýaponiýada geçirilen XXXII tomusky Olimpiýa oýunlarynda sportuň agyr atletika görnüşi boýunça türgen gyzymyzyň gazanan kümüş medaly Türkmenistanyň sport ussatlarynyň öňünde gazanyp bolmajak üstünligiň ýokdugyny subut etdi" diýmek bilen, milli ýygyndy toparlaryň agzalarynyň döwlet derejesinde ýaş türgenler üçin döredilýän ajaýyp şertlerimiziň netijesini ýeňişli ýollar, nusgalyk sport üstünlikleri arkaly görkezmelidiklerini belledi. 

"Türkmen türgeni adyna mynasyp bolan sport ussatlarymyzyň halkara derejeli ýaryşlara işjeň gatnaşyp, ýurdumyza gelýän medallaryň sanawyny has-da artdyrjakdyklaryna, halkara sport giňişliginde özleriniň gazanan üstünlikleri bilen Döwlet baýdagymyzy mundan beýläk-de belentde parlatjakdyklaryna pugta ynanýaryn" diýip, döwlet Baştutany ýeňijilere iň gowy arzuwlaryny beýan etdi.


14.07.2025 19:31
14k+

Alp Arslan Begenjow erkin göreş boýunça ýaşlaryň arasynda Aziýanyň çempionatynda bürünç medal aldy

18 ýaşly türkmen pälwany Alp Arslan Begenjow 20 ýaşa çenli türgenleriň arasynda Gyrgyzystanyň Bişkek şäherinde geçirilýän erkin göreş boýunça Aziýanyň ýaşlar çempionatynda 79 kg agram derejede üçünji orny eýeledi...

14.07.2025 07:50
7k+

Türkmenistanyň wekilleri "Ýüpek ýoly - 2025" halkara ralli ýaryşyna gatnaşýar

Irkutsk şäherinde (RF) «Ýüpek ýoly» atly 15-nji halkara rallisi-marafony başlandy. Bu ýaryşa Türkmenistanyň adyndan T2 seriýaly wnedorožnikler synpynda çykyş edýän üç ekipaž gatnaşýar. Türkmenistanyň awtosport...

10.07.2025 18:17
12k+

FIFA milli ýygyndylaryň reýtingini täzeledi: Türkmenistan iki orun ýokary galdy

Türkmenistanyň milli futbol ýygyndysy Halkara futbol federasiýasynyň (FIFA) täzelenen reýtinginde iki orun ýokary galdy. Indi topar 1092,4 bal (+16,27) bilen 140-njy orny eýeleýär. Türkmenistanyň milli ýygyndysyna sanawdaky ornuny ýokarlandyrmaga 2027-nji ýylda geçiriljek Aziýanyň kubogynyň saýlama ýaryşynyň oýnundaky ýeňiş kömek etdi: 10-njy iýunda topar Tailandyň milli ýygyndysyny 3:1 hasabynda utdy...