Türkmenistanyň suw üpjünçilik meseleleri boýunça Hökümet topary döredildi we onuň düzümi tassyklanyldy. Bu baradaky degişli Karara 11-nj iýunda Prezident Serdar Berdimuhamedow gol çekdi.
Resminamanyň maksady Türkmenistanyň ykdysadyýetiniň pudaklaryny suw bilen bökdençsiz üpjün etmek, suw serişdelerini tygşytly we netijeli peýdalanmakdan hem-de suw gorlaryny döretmekden ybaratdyr.