UEFA 2024-nji ýylda geçiriljek futbol boýunça Ýewropa çempionatynyň nyşanyny resmi taýdan tanyşdyrdy. Bu barada sport-express.ru habar berdi.
Ýewro-2024-iň nyşany Ýewropa ýurtlarynyň 55-siniň baýdagy üçin umumy alty reňki, şeýle hem final oýnunyň geçiriljek ýeri bolan Berlin "Olimpiaştdadionynyň" çyzgylaryny özünde jemleýär.
Belläp geçsek, Ýewropa çempionaty-2024 14-nji iýundan 14-nji iýul aralygynda Germaniýada geçiriler. Final tapgyrynyň bije çekilişigi 2023-nji ýylyň dekabrynda Elbe filarmoniýasynda geçiriler. Final tapgyrynda alty toparçada 24 topar çykyş eder.
Germaniýa ýaryşyň ýer eýesi hökmünde Ýewropa çempionatynyň gönüden-göni final tapgyryna çykdy, galan gatnaşyjylar saýlama tapgyrynyň netijelerine görä kesgitlener. Saýlama ýaryşy üçin bije çekilişigi 2022-nji ýylyň dekabrynda geçiriler.