Häzirki wagtda alýuminiň bahasy gymmatlap, soňky 10 ýyl boýunça rekord derejä ýetdi. "Finmarket" portalynyň iňlisleriň "WSJ" neşirine salgylanmagyna görä, bu metalyň maliýe görkezijileri 2021-nji ýylyň başyndan bäri üçden bir esse artdy. Bu barada banki.loans habar berdi.
Geçen anna güni Londonyň metal söwdasy biržasynda, 2020-nji ýylyň maý aýyndaky bahalardan tapawutlylykda, alýumin üçin 3 aýlyk şertnamalaryň bahasynyň 80% ýokarlanandygy bellenilýär.
27-nji iýulda bolsa alýumin metalynyň her tonnasynyň bahasy 2,6 müňe ýetdi. Mälim bolşy ýaly, häzirki wagtda alýuminiň esasy bölegi Aziýada ýerleşýär, şonuň üçin hem Ýewropa bazarynda bu metalyň ýetmezçiligi has ýiti duýulýar. Metalyň bahasynyň rekord derejede gymmatlamagy onuň Ýewropa bazaryndaky ýetmezçiligi bilen gönüden-göni baglanyşykly bolmagy mümkin diýip, bilermenler belleýärler.