Ýewro-2020-niň birinji tapgyryň jemleýji duşuşyklarynda Portugaliýanyň milli ýygyndysy Wengriýany 3:0 hasap bilen ýeňdi. Gollaryň ählisi hem 84-nji minutdan soň geçirildi.
Hasaby Rafael Gerreýru açdy, soňra Kriştianu Ronaldu dubl etdi.
F toparyň beýleki duşuşygynda Fransiýa 1:0 hasap bilen Germaniýadan üstün çykdy.
Duşuşykda ýeke-täk goly Germaniýanyň goragçysy Mats Hummels 20-nji minutda öz derwezesine geçirdi.
Şeýlelikde, Portugaliýa toparynda lider boldy. Ondan soňra Fransiýa ýerleşdi (ikisinde hem 3 utuk bar). Germaniýa 3-nji, Wengriýa 4-nji orunda.
