Brent söwda belgili nebitiň bir barreliniň bahasy 70 dollara çenli ýokary göterildi. Ol 2019-njy ýylyň 18-nji maýyndan bäri ilkinji gezek şeýle gymmatlady diýip, Sputnik gullugy habar berdi.
Sişenbe güni agşam edilen söwdanyň jemlerine görä, bu nebitiň bahasy 1,34% ýokarlanyp, 70,25 dollara ýetdi. WTI üçin fýuçersleriň bahasy bolsa 2,1% ýokarlanyp, bir barreliň bahasy 67,72 dollara ýetdi.
OPEK+ mejlisinde gurama agza ýurtlaryň ministrleri nebit önümçiligine meýilleşdirilen çäklendirmeleriň parametrlerini güýje girizmek kararyna geldiler. Munuň özi iýul aýynda nebitiň çykarylyşyny birneme ýokarlandyrar.
Russiýanyň premýer-ministriniň orunbasary Aleksandr Nowak OPEK+—yň 2021-nji ýylda nebite bolan isleg günde 6 million barrele çenli ýokarlanar diýip çaklaýandygyny aýtdy. Şeýle hem ol sanjym maksatnamasynyň durmuşa geçirilmegi bilen, dünýäde nebit we nebit önümleriniň sarp edilişiniň gaty çalt depginde dikelýändigini belledi.
