Saud Arabystany 17-nji maýdan serhetlerini açýar we öz raýatlary üçin beýleki ýurtlara syýahat çäklendirmelerini aýyrýar diýip, russian.rt.com habar berýär.
“2021-nji ýylyň 17-nji maýynda ýerli wagt boýunça 01:00-dan raýatlar üçin syýahat çäklendirmeleri aýrylýar, şeýle-de beýleki ýurtlar bilen suw, gury ýer we howa aragatnaşygy açylýar” – diýlip, Saud Arabystanynyň Içeri işler ministrliginiň Twitter habarynda aýdylýar.
Hereket çäklendirmeleriniň aýrylmagy birnäçe kategoriýa degişli bolar: bir aýdan gowrak wagt öň koronawirus keseli bilen kesellänlere, sanjym alanlara we lukmançylyk ätiýaçlandyryş resminamasy bolan patyşalygyň 18 ýaşdan kiçi raýatlaryna.
Saud Arabystanyna gelensoň, daşary ýurtlular hökmany 14 günlük karantini geçmeli bolar.
Saud Arabystanynda pandemiýa başlany bäri tassyklanan kesel ýagdaýynyň sany 401,5 müňe ýetdi. Koronawirus bu ýurtda 6,9 müňden gowrak adamyň ýogalmagyna sebäp boldy.
