Si Szinpin: Hytaý garyplygy ýeňip geçmegi başardy

Si Szinpin: Hytaý garyplygy ýeňip geçmegi başardy

Hytaý garyplyga garşy göreşde ýeňiş gazandy diýip, HHR-iň prezidenti Si Szinpin ýurduň garyplygy ýok etmekde gazanan üstünliklerine bagyşlanan ýygnakda aýtdy. Muny TASS belleýär.

“Hytaýyň Kommunistik partiýasynyň we hytaý halkynyň tagallalary netijesinde, biziň ýurdumyz garyplygy ýeňmegi başardy” – diýip, Sinhua agentligi onuň sözlerini getirýär.

Si Szinpiniň belleýşi ýaly, 98,99 mln oba ilaty garyplyk çäginden geçdi, 128 müň oba we 832 etrap garyp ýerleriň hataryndan çykaryldy. Soňky sekiz ýylda Hytaý garyplyga garşy göreşe, takmynan, 1,6 trln ýuan (246 mlrd dollar töweregi) maýa goýdy.
Umuman alanyňda, 1970-nji ýyllaryň ahyryndan bäri 770 mln adam garyplykdan çykyp bildi. Ýurt boýunça garyplyga garşy göreşmek üçin haryt satýan 4500-den gowrak kompaniýanyň umumy girdejisi 2019-njy ýyl bilen deňeşdirilende, 2020-nji ýylda 32,9% ýokarlandy.
Si Szinpin Hytaýyň BMG-niň garyplygy ýok etmek boýunça maksadyna kesgitlenen 2030-njy ýyldan 10 ýyl ir ýetendigini we bu hadysa garşy global göreşe goşýan goşandynyň 70%-digini belledi.
Hytaýyň döwlet standartlaryna laýyklykda, ýyllyk girdejisi 2,3 müň ýuandan (340 dollar töweregi) geçmeýänler garyplyk çäginden aşakda hasaplanýar.