Seýşel adalary, Islandiýa we Rumyniýa eýýäm aýratyn şertler bolmazdan, koronawirusa garşy sanjym alan daşary ýurtlulary öz çägine goýbermäge taýýar. Munuň üçin sanjymyň edilendigini we otrisatel PZR-barlagy tassyklaýan şahadatnama bolmaly. Bu barada Regnum agentligi habar berýär.
1-nji martdan Kipr we Mawrikiý hem koronawirusa garşy sanjym alan syýahatçylary kabul etmegi göz öňünde tutýar. Kipr sanjym alan syýahatçylary PZR-barlag netijelerini hödürlemek zerurlygyndan boşatmak isleýär. Mawrikiý hem syýahatçylary iki hepdelik karantine ibermez. Ysraýyl, Gresiýa, Ispaniýa, Estoniýa, Daniýa, Polşa, Wengriýa we Belgiýa syýahatçylaryň çäklendirilmedik giriş şertlerini heniz ara alyp maslahatlaşýarlar.